ფეხბურთი

18:17 | 5.04.2017 | ნანახია [] - ჯერ

ფეხბურთელი მსახიობის ნიჭით: მოედანზე ცრემლებიდან ციხის კარამდე...

ესპანეთში საფეხბურთო სკანდალი მძვინვარებს – გამოცემა Marca-ს ინფორმაციით, ესპანეთის პოლიციამ სეგუნდადივიზიონის ბინადარ “ელდენსეს” 5 წარმომადგენელი დააპატიმრა. იტალიელი მთავარი მწვრთნელის, ფილიპო დი პიეროს შემდეგ სასჯელი მის ასისტენტ ფრანსისკო რუისს, კლუბის მთავარ ინვესტორ ნობილ კაპუანის და გუნდის ორ ფეხბურთელს, ნიკოლას შეფერსა და მაიკ ფერნანდესს ემუქრებათ. ისინი ადგილობრივმა პოლიციამ დღეს დააპატიმრა. მათ ბრალი გარიგებულ მატჩებში ედებათ.

საქმე ეხება სამიოდ დღის წინ, სეგუნდაში გამართულ მატჩს, რომელშიც “ელდენსემ” “ბარსელონა B”-სთან 0:12 წააგო.

საგულისხმოა, რომ მატჩის დასრულების შემდეგ მარცხისგან “გაბრაზებული” მაიკ ფერნანდესი ცრემლებს ვერ იკავებდა და ტვიტერის გვერდზე პოსტიც განათავსა: “ყველაზე უბედური დღე ჩემს ცხოვრებაში”.

ახლა კი, როგორც გაირკვა ეს ყველაფერი უბრალოდ კარგი მსახიობის დადგმული სცენარი გახლდათ, 20 წლის ფერნანდესი, რომელიც ინგლისშია დაბადებული, სასამართლოს წინაშე წარდგება.

ესპანური მედიის ცნობით, ეს ყველაფერი არაა და გამოძიება გრძელდება. როგორც ამბობენ, ეჭვის თვალით კიდევ ოთხ მატჩს უყურებენ.

0.10836