სარეკლამო ადგილი - 3
227 x 91
ფეხბურთი

18:47 | 30.03.2017 | ნანახია 5980 - ჯერ

საქართველოს ნაკრები, მედლის ორი მხარე: სხვა სტატისტიკა და სხვა შედეგი

საქართველოს ეროვნულ ნაკრებს მსოფლიო ჩემპიონატის შესარჩევ ციკლში ხუთი ტურის შემდგომ ორი ქულა აქვს, რაც რაღა თქმა უნდა, კარგი შედეგი არაა, თუმცა, უმრავლესობა თანმხდება, რომ “ჯვაროსნების” თამაშის ხარისხი ბევრად გაუმჯობესებულია.

სხვათა შორის, ამაზე ის სტატისტიკური მონაცემებიც მეტყველებს, რომელიც ვლადიმირ ვაისის გუნდს ავსტრიასთან, ირლანდიასთან, უელსთან, მოლდოვასთან და სერბეთთან მატჩებში ჰქონდა.

მოკლედ, განვლილი ხუთ ტურში საქართველოს ნაკრებმა ჯამში მეტოქის კარისკენ 62-ჯერ დაარტყა, აქედან კარის ჩარჩოში ბურთი 17-გზის მოხვდა და ოთხი გოლი გავიდა. სამჯერ ბურთი ხარიხამ აისხლიტა (ორჯერ უელსთან და ერთხელ ირლანდიასთან), ხოლო ორჯერ ძელმა (ერთხელ ავსტრიასთან, ერთხელაც ირლანდიასთან) – 22 დარტყმა კი, მეტოქე გუნდის მხრიდან დაბლოკილ იქნა. რაც შეეხება დანარჩენს, იგი კარის ჩარჩოს ასცდა.

გარდა ამისა, რაც ფრიად სასიამოვნო სანახავია: საქართველოს ნაკრებმა განვლილი ხუთი მატჩიდან ოთხი ბურთის ფლობის უპირატესობით დაასრულა – ავსტრიასთან 51%, ირლანდიასთან – 56%, მოლდოვასთან 58%, სერბეთთან 51 %. რაც შეეხება უელსს, “დრაკონებთან” 50% ვფლობდით ბურთს. ანუ, გამოდის, რომ მიმდინარე შესარჩევ ციკლში საქართველოს ნაკრები მეტოქეზე ნაკლებად ბურთს არ აკონტროლებდა. ოთხი საერთოდ დავჩაგრეთ და მხოლოდ უელსთან გვქონდა თანაბარი მაჩვენებელი.

კიდევ ერთი გამოსარჩევი დეტალი – განვლილ მატჩებში ვლადიმირ ვაისის გუნდმა არც მეტი, არც ნაკლები, 2080 პასი გააკეთა და აქედან 1768 ზუსტი აღმოჩნდა! ასეთ რამეს კი, ბოლო დროს საქართველოს ნაკრებისგან მიჩვეულნი ნამდვილად არ ვიყავით.

ჩვენს წინააღმდეგ მეტოქეები 72-ჯერ დაჯარიმდნენ, ხოლო ჩვენმა ფეხბურთელებმა თამაშის წესები 77-ჯერ დაარღვიეს. მოვაწოდეთ 16 კუთხური, ყვითელი ბარათი 11-ჯერ მივიღეთ, ხოლო 12-ჯერ თამაშგარეში მოხვდნენ ჩვენი შემტევები, დაცვით ფაზაში ქართველმა მოთამაშეებმა ბურთი 166-ჯერ მოიპოვეს და არც ესაა სხვათა შორის დაბალი მაჩვენებელი.

მოკლედ, სტატისტიკა ცუდი არაა და თამაშის ხარისხის შემხედვარე უკმარისობის გრძნობა ალბათ ყველას დაეუფლა. თუმცა, ცალსახაა, მთავარი შედეგია, რომელიც საუბედუროდ არ ჩანს. და მაინც, ვაისის თქმის არ იყოს, ნაკრების ბირთვი ხომ ახალგაზრდა, 23-24 წლის ბიჭებისგან შედგება და იქნებ, ჩვენთვისაც დადგეს გაზაფხული...

აქვე გთავაზობთ მიმდინარე შესარჩევი ციკლის ხუთი მატჩის სრულ სტატისტიკურ მონაცემებს:

ავსტრიის ნაკრებთან

კარისკენ დარტყმა: 17

კარში დარტყმა: 3

დაბლოკილი დარტყმა: 6

ბურთის ფლობა: 51%

კუთხური: 5

თამაშგარე: 4

გაფრთხილება: 1

ჩვენს წინააღმდეგ დაჯარიმდნენ: 18

ჩვენ დავჯარიმდით: 13

პასი: 340

ზუსტი პასი: 279 (82%)

ძელი (ხარიხა): 1

მოპოვებული ბურთი: 37

ირლანდიის ნაკრებთან

კარისკენ დარტყმა: 11

კარში დარტყმა: 3

დაბლოკილი დარტყმა: 5

ბურთის ფლობა: 56%

კუთხური: 5

თამაშგარე: 0

გაფრთხილება: 1

ჩვენს წინააღმდეგ დაჯარიმდნენ: 11

ჩვენ დავჯარიმდით: 11

პასი: 478

ზუსტი პასი: 423 (88%)

ძელი (ხარიხა): 2

მოპოვებული ბურთი: 29

უელსის ნაკრებთან

კარისკენ დარტყმა: 17

კარში დარტყმა: 4

დაბლოკილი დარტყმა: 5

ბურთის ფლობა: 50%

კუთხური: 1

თამაშგარე: 0

გაფრთხილება: 4

ჩვენს წინააღმდეგ დაჯარიმდნენ: 8

ჩვენ დავჯარიმდით: 13

პასი: 399

ზუსტი პასი: 343 (85%)

ძელი (ხარიხა): 2

მოპოვებული ბურთი: 42

მოლდოვის ნაკრებთან

კარისკენ დარტყმა: 6

კარში დარტყმა: 2

დაბლოკილი დარტყმა: 3

ბურთის ფლობა: 58%

კუთხური: 3

თამაშგარე: 1

გაფრთხილება: 3

ჩვენს წინააღმდეგ დაჯარიმდნენ: 20

ჩვენ დავჯარიმდით: 24

პასი: 423

ზუსტი პასი: 360 (85%)

ძელი (ხარიხა): 0

მოპოვებული ბურთი: 30

სერბეთის ნაკრებთან

კარისკენ დარტყმა: 11

კარში დარტყმა: 5

დაბლოკილი დარტყმა: 3

ბურთის ფლობა: 51%

კუთხური: 2

თამაშგარე: 3

გაფრთხილება: 2

ჩვენს წინააღმდეგ დაჯარიმდნენ: 15

ჩვენ დავჯარიმდით: 16

პასი: 440

ზუსტი პასი: 363 (82%)

ძელი (ხარიხა): 0

მოპოვებული ბურთი: 28

სარეკლამო ადგილი - 25
710 x 104
Loading...

კომენტარები (13)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
01:57 | 01.04.2017
stoned (902)

ერთი სამჯერ დავწერე კომენტარი და ბოლოს მივხვდი რომ აზრი არ აქვს აქ რამის დაწერას .. ხოო ვაისი სირია .. შანსი არ გვაქვს ... ფეხბურთი დავივიწყოთ..

01:59 | 01.04.2017
stoned (902)

რამეს ერთად შეგვიძლია რომ შევხედოთ პოზიტიურად? რამ დაგბოღმათ ესე მაგრად ?

08:33 | 31.03.2017
liberaltiobartuxucesi (103)

ძალიან ადვილად ხდება საზოგადოებრივი აზრის ფორმირება. . .ამაში დიდწილად სპორტულ კომენტატორებს მიუძღვით "ბრალი". . .გამოსარკვევია მათი ნათესაურ მეგობრული კავშირები ფედერაციის ხელმძღვანელონასთან

23:35 | 30.03.2017
BEERTRANCE (94528)

რა მნიშვნელობა აქვს, გავა 10 წელი, მაინც მზღნერში იქნება ქართული ფეხბურთი და კმაყოფილების მიზეზს მაინც ვიპოვით

23:32 | 30.03.2017
qomagi (671)

სულ ჩასაფრებულის პოზიციაში ყოფნა არ არის ლამაზი. იგივე ლატვიასთან მოგებაც საღადაო თემად იქცა. შეიძლება არ ყოფილა ძალიან კარგი სანახაობრივად თამაში, მაგრამ ბოლოს როდის გახსოვთ თუნდაც ფარჩაკ მეტოქესთან 5:0 მოგება, თუ წინასწარ ჩააწყვეს და დაწვა ლატვია? თუ აცლიან ვაისს, მართლა მჯერა რომ მომდევნო შესარჩევში შეიძლება შედეგი დადოს.

23:27 | 30.03.2017
qomagi (671)

გასაგებია, რომ ვაისი არ წყვეტს ვარსკვლავებს და ჩვენი ფეხბურთელების უმეტესობა ხომ საერთოდ, მაგრამ თუნდაც მინიმალური გაუმჯობესება ნაკრების თამაშში იგრძნობა. არც მე ვარ აღფრთოვანებული ჩვენი ნაკრების თამაშით და არც მათ ადვოკატობას ვაპირებ, მაგრამ ასე რომ ლანძღავთ ვაისს, ლანძღავდით ცხადაძეს, ქეცბაიას, ტოპმიოლერს, კუპერს და აბსოლუტურად ყველა მწვრთნელს, ვინც კი ნაკრებს ჰყოლია, ობიექტურად იმსჯელეთ და ამდენ ლანძღვას თქვით ვინ გინდათ მწვრთნელად, ვინ გაიყვანს თქვენი აზრით პირველივე შესარჩევი ეტაპიდან ჩვენს ნაკრებს ევროპაზე ან მსოფლიოზე და ვინ გადააქცევს ერთი ჯოხის დაქნევით ჩვენს საშუალო დონის ფეხბურთელებს ტოპ ფეხბურთელებად და მერე აფრქვიეთ ბოღმა. ლანძღვა მარტივია და საქმის კეთება ძალიან რთული.

22:58 | 30.03.2017
drogba_ (10896)

https://www.youtube.com/watch?v=hx_VCTG7_C4

22:58 | 30.03.2017
drogba_ (10896)

აუ-გავიხიე-სიცილით-ამას-უყურეთ)))))))))))))

21:49 | 30.03.2017
ficxela10 (4678)

ცოტა რეალისტურად რომ შეხედოთ სიტუაციას კარგი იქნება, საქართველოს ნაკრებს ასე კარგად არ გამოუყენებია თავისი რესურსი არასდროს, სად თამაშობენ ჩვენი ფეხბურთელები??? და მაინც სტატისტიკით ყველას ვაჯობეთ, აქამდე რატო არ ხდებოდა ასე, მოედნის ცენტრში გადასვლა გვიჭირდა გოლს ვინ ჩივის კარში ვერ ვურტყავდით ნორმალურად, ეხლა რომ არველაძის დონის ფორვარდი გვყავდს 6-7 ქულით მეტი გვექნებოდა

22:38 | 30.03.2017
Dimitriusi GV@rdiol@ (601)

რეალისტურდ ვუყურებ ! მოგება არ გაქ მოგება არ გაქ ))))) გაქ 2 ქულა მოლდოვას აქვს 1 ქულა ანუ ისიც მოგიგებს და აგვახევს ქულას )))

21:08 | 30.03.2017
Dimitriusi GV@rdiol@ (601)

ვაისი არის იარაბეკი 2 :

21:05 | 30.03.2017
MARGVELI (1587)

ვაისის ფორმაციის საქართველოს ნაკრების თამასი მარტო კობიაშვილს თუ მოეწონება.
მე პირადად სერბეთთან თამაშს ბოლომდე ვერც ვუყურე ისეთი მარაზმი იყო ჩვენი ნაკრების თამაში.
შეიძლება წააგო მაგრამ ფეხბურთი ითამაშო, ჩვენ ნაკრებს სერბეთთან ფეხბურთი არ უთამაშია.

21:08 | 30.03.2017
Dimitriusi GV@rdiol@ (601)

გეთანხმები, მაგრამ ჩემდა გასაკვირად დადებითად შეაფასეს ვაისის შემოქმედება :დ

21:50 | 30.03.2017
ficxela10 (4678)

რას ელოდი ამ შესარჩევში???? 1 ადგილზე გასვ;ას თუ ფლეი ოფში მოხვედრას???

21:31 | 30.03.2017
MARGVELI (1587)

მწვრთნელს რომ შესარჩევში თამასი არ ექნება მოგებული. 10 დან 7 წააგებს.
და ამის მიუხედავად გულშემატკივარი მაინც კმაყოფილია აქ უკვე კლინიკურ შემთხვევასთან გვაქვს საქმე და მკურნალობას აღარ ექვემდებარება

20:46 | 30.03.2017
ogafa (5191)

ხარისხი დიდი არაფერი

20:44 | 30.03.2017
ed7777 (779)

ნუ გაახურეთ საქმე, არველაძეების თაობის შემდეგ ამ დრომდე მკვდარი იყო ნაკრები. პროგრესიო აშკარაა და შედეგს დადებენ. ძაან პერსპექტიული ახალგაზრდები არიან. ვინც ვაისს უარყოფითად აფასებს ფეხბურთის აზრზე არ არის ის და უყურეთ ხოკეის

22:20 | 30.03.2017
mushni (71917)

ნჰლ ძმა??

21:01 | 30.03.2017
berodaviti (3942)

კი ბატონო ვთქვათ პროგრესია, მაგრამ თუ ნაკლი არ აღმოფხვერი ვერ განვითარდები
პირველ ნომრად ვერ ვთამაშობთ, ფიზიკურად ვერ ვდგევართ 90 წუთი, ფსიქოლიგიურად გვიჭირს
მოლდოვაზე კი დამაჯერებლად უნდა მოგვეგო ყველა ვარიანტში და ყველაზე ცუდად მანდ ვითამაშეთ

20:22 | 30.03.2017
romandro (47)

xarisxs da statistikur monacemebs tu gadavxedavt ratqmaunda vaisis xelshi bevrad uketes fexburts tamashobs gundi vidre misi wina morbedebi,es isedac natlad chans rom exla fexburts mainc tamashoben da ibrzvian.

20:09 | 30.03.2017
berodaviti (3942)

მოლდოვას ამოტენვას არანაირი სტატისტიკა არ სჭირდება, ის კი არა ვერც მოვიგეთ საერთოდ

სარეკლამო ადგილი - 22
250 x 250
0.168974