“იუვენტუსი” – “ბარსელონა” – თავისთავად დიდებული აფიშაა გუნდების სახელებიდან გამომდინარე, მაგრამ აღნიშნულ შეხვედრას კიდევ ერთი, საინტერესო ინტრიგა ახლავს – ჯორჯო კიელინი და ლუის სუარესი.
ბოლოს ეს ფეხბურთელები ერთმანეთს მსოფლიოს 2014 წლის ჩემპიონატზე, იტალიისა და ურუგვაის მატჩისას დაუპირისპირდნენ და მაშინ სუარესმა ჩვეულ სტილში იტალიელის პროვიცირება სცადა – უკბინა...
ის ეპიზოდი მატჩის მთავარ მსაჯს მხედველობიდან გამოეპარა და ურუგვაიმ 1:0 მოიგო, “სკუადრა აძურა” კი, ჯგუფში ჩარჩა.
მართალია, იმის მერე “ბარსელონა” “იუვენტუსს” ჩემპიონთა ლიგის ფინალში დაუპირისპირდა - 2015 წელს, მაგრამ მაშინ კიელინის ტრავმის გამო არ უთამაშია.
ვნახოთ, რა მოხდება ახლა და როგორ ჩაივლის ჯორჯო კიელინისა და ლუის სუარესის მეორე შეხვედრა.