ეს ამბავი პირველ ყოვლისა მკითხველისათვის ბოდიშის მოხდით უნდა დავიწყოთ. აბა განა საბოდიშო არაა ის, რომ ცის ქვეშეთში ასეთი დიდებული და გულისგანმგმირავი ქალი მიდი-მოდიოდეს და ჩვენ ახლაღა აღმოვაჩინეთ იგი. ეს იმას ნიშნავს, მარგალიტი ხელის გულზე გედოს და შენ მიწაში იჩიჩქნებოდე.

ეს დიდებული ასული, ფეხბურთელ მიქაელ არტეტას ცოლი, მსახიობი და მოდელი ლორენა ბერნალია. ნამდვილად ვერ ვიტყვით, ლორენამ მსახიობობით მთელი ჰოლივუდი მოხიბლაო, მაგრამ რამდენიმე სერიალში კი მიუღია მონაწილეობა. ამის შემხედვარე, კი უნდა ღირდეს ამ “საპნის ოპერების” ცქერა.

რაც შეეხება არტეტას მეორე ნახევრის სამოდელო კარიერას... ამ ამბავში ბერნალის ქალი ჰაი ჰაი რომ ნამეტნავად წარმატებულია და კუწურიეებს ჯერ ახალი საწმერთული შეკერილი არა აქვთ, რომ ლორენა უკვე იზომებს და პოდიუმზეც კოხტად გადი-გამოდის. ამის დამნახავი კაცი იტყვის, ნეტა ოთხი თვალი და მუდმივი ჯეელობა მომცაო...