სარეკლამო ადგილი - 3
227 x 91
ჭიდაობა

11:30 | 15.02.2017 | ნანახია 1489 - ჯერ

ბერძენ-რომაელებმა ოთხი სამეული შეავსეს

თბილისის ოლიმპიურ სასახლეში მიმდინარე საქართველოს ჩემპიონატზე ბერძნულ-რომაული სტილით ჭიდაობაში, რვა წონითი კატეგორიიდან ოთხში ჩემპიონ-პრიზიორები გამოვლინდნენ. შიდა კონკურენციაში პირველები 59, 71, 80 და 98 კილოგრამებში მოჭიდავეები ჩაებნენ.

უმსუბუქეს წონაში ყველას აჭარელმა ლერი აბულაძემ აჯობა. ფინალის გზაზე მან სენაკელი ხვიჩა ჭითავა, წყალტუბოელი ბექა ბალანჩივაძე და აჭარელი რამაზ სურმანიძე ჩამოიშორა. გადამწყვეტ ბრძოლაში კი ოზურგეთელ დავით ჩხარტიშვილს აჯობა.

71 კილოგრამში კვარცხლბეკის უმაღლეს საფეხურზე ადიგენელი გოგა აფრიამაშვილი ავიდა, რომელმაც ოქროსთვის ბრძოლაში გარდაბნელი გიორგი ფოცხვერაშვილი დაამარცხა. იქამდე კი აჭარელი რამაზ ზოიძე, ქუთაისელი ანტონ მამაგეიშვილი და ოზურგეთელი იური ლომაძე ჩამოიცილა.

80 კილოგრამ წონით კატეგორიაში ხალიჩაზე სულ 11 მოჭიდავე გავიდა. შეჯიბრება დაუმარცხებლად თბილისელმა ზურაბ დათუნაშვილმა ჩაამთავრა, რომელმაც საჩემპიონო გზაზე აჭარელი ნუკრი შავაძე, ბორჯომელი თემურ ჭკუასელიძე, ხობელი ვარლამ კვარაცხელია და აწარელი ლაშა გობაძე დაამარცხა.

98 კილოგრამის შიდა კონკურენცია თბილისის გუნდის წევრების - რევაზ ნადარეიშვილისა და კუკური კირცხალიას დაპირისპირებით და კირცხალიას გამარჯვებით დაგვირგვინდა. ამ შეხვედრამდე, მომავალმა ჩემპიონმა სამ მეტოქეს მოუგო: ოზურგეთელ კახა კალანდაძეს, თბილისელ ზაზა სილაგაძეს და წყალტუბოელ ირაკლი ქაჯაიას.

დღეს საპრიზო სამეულები დარჩენილ ოთხ წონაში: 66, 75, 85 და 130 კილოგრამებში შეივსება.

ბერძნულ-რომაული ჭიდაობა

საქართველოს ჩემპიონატი

თბილისი

59 კგ

1 ლერი აბულაძე (აჭარა)

2 დავით ჩხარტიშვილი (ოზუგეთი)

3 ბექა ბალანჩივაძე (წყალტუბო)

3 ლაშა მარიამიძე (თბილისი)

71 კგ

1 გოგა აფრიამაშვილი (ადიგენი)

2 გიორგი ფოცხვერაშვილი (გარდაბანი)

3 რამაზ ზოიძე (აჭარა)

3 საჩინო დავითაია (სენაკი)

80 კგ

1 ზურაბ დათუნაშვილი (თბილისი)

2 ლაშა გობაძე (აჭარა)

3 გიორგი ცირეკიძე (ქუთაისი)

3 ვარლამ კვარაცხელია (ქუთაისი)

98 კგ

1 კუკური კირცხალია (თბილისი)

2 რევაზ ნადარეიშვილი (თბილისი)

3 სულხან ბუიძე (თბილისი)

3 ირაკლი ქაჯაია (წყალტუბო)

სარეკლამო ადგილი - 25
710 x 104
Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 7
250 x 250
სარეკლამო ადგილი - 31
250 x 250
სარეკლამო ადგილი - 22
250 x 250
სარეკლამო ადგილი - 23
250 x 531
სარეკლამო ადგილი - 14
120 x 600
სარეკლამო ადგილი - 16
120 x 600
0.102746