ჭიდაობა

23:16 | 13.02.2017 | ნანახია [] - ჯერ

მოჭიდავეებმა ახალი მწვრთნელები დაასახელეს

საქართველოს ჭიდაობის ეროვნული ფედერაციის პრეზიდიუმმა თავისუფალი და ბერძნულ-რომაული სტილით ჭიდაობაში ეროვნული და ასაკობრივი ნაკრებების მთავარი მწვრთნელები დაამტკიცა.

თავისუფალ ჭიდაობაში ეროვნულ ნაკრებს გიორგი იანტბელიძე უხელმძღვანელებს. 23-წლამდელებს ზურაბ ჭიღლაძე გაწვრთნის, ახალგაზრდულ ნაკრებს - ემზარ ბედინეიშვილი, ხოლო ჭაბუკებს - გია კვინიკაძე.

ბერძნულ-რომაული სტილით ჭიდაობაში არ დადასტურდა ქომაგთა მოლოდინი, ახალგაზრდული ნაკრების თავკაცის – ზაზა სილაგაძის ეროვნულში გადაყვანის შესახებ. ეს ადგილი ფედერაციამ ბექა როყვას ანდო. სილაგაძე კვლავ ახალგაზრდებს გაწვრთნის. 23-წლამდელების დამრიგებელი ოთარ ტატიშვილი იქნება, ჭაბუკები კი ხვიჩა ქორიძეს ჩააბარეს.

ეროვნული და ასაკობრივი ნაკრებების ახალი დამრიგებლები თავიანთ სამწვრთნელო შტაბებს უახლოეს მომავალში დაასახელებენ.

0.119433