ალექსის სანჩესი "არსენალს" დაემშვიდობება. ამ ინფორმაციას ინგლისური წყაროები ავრცელებენ. 28 წლის თავდამსხმელს ლონდონურ კლუბთან კონტრაქტი 2018 წლის 30 ივნისს ეწურება, თუმცა მას გუნდის შეცვლა სურს.

ჩილელი ფეხბურთელით რამდენიმე კლუბია დაინტერესებული. "იუვენტუსი", "ინტერი", "პარი სენ-ჟერმენი" და "ატლეტიკო" მზაობას გამოთქვამენ სანჩესის შეძენისთვის.

ალექსის სანჩესი "არსენალში" 2014-2015 წლების სეზონში გადავიდა და მას შემდეგ 127 მატჩში 53 გოლის გატანა შესძლო.