ლუგანსკის "ზორიამ" საკონტროლო მატჩში 3:0 მოუგო ჩეხეთის "სლოვაცკოს" და ორი გოლი ჯაბა ლიპარტიამ გაიტანა. განსაკუთრებით ლამაზი გამოდგა მეორე გოლი - ლიპარტიამ სამი მეტოქე მოატყუა და საჯარიმოს მისადგომებიდან ეფექტური დარტყმით შეაგდო. ეს მშვენიერი მომენტი ბოლო წუთებზე იყო.

ჯაბამ მეორე ტაიმი ითამაშა და სწორედ მან გახსნა ანგარიში 47-ე წუთზე. ლიპარტია წინა მატჩშიც ("ლუდოგორეცთან" 0:2) ყველაზე აქტიური იყო თავის გუნდში.