რომის “ლაციოს” ნიჭიერი ნახევარმცველი დანილო კატალდი კარიერას “ჯენოაში” გააგრძელებს. 22 წლის ფეხბურთელმა გენუელებთან ხელშეკრულება მიმდინარე სეზონის ბოლომდე გააფორმა – კონტრაქტი საიჯაროა.

დანილო კატალდი “ლაციოს” სკოლის აღზრდილია და მთავარ გუნდში 2 წლის წინ საკმაოდ წარმატებით მოხვდა. კატალდიმ ამ დრომდე “არწივების” რიგებში ჩატარებულ 59 მატჩში 3 გოლის გატანა მოახერხა.

“ჯენოაში” კი იგი მეტი სათამაშო დროის გამო გადავიდა, რადგან მიმდინარე სეზონში რომაული გუნდის რიგებში მხოლოდ 11-ჯერ მოუწია მოედანზე გასვლა. გენუურ კლუბს ზაფხულში მისი სრულად გამოსყიდვაც შეეძლება.