ფიფას ყოველწლიურ გამოკითხვაში, რომელშიც წლის საუკეთესო ფეხბურთელს ირჩევენ, ტრადიციულად მონაწილეობა საქართველოს ნაკრების მთავარმა მწვრთნელმა და კაპიტანმა მიიღეს.
ვლადიმირ ვაისის არჩევანი ასეთი გახლდათ: 1. ლიონელ მესი, 2. კრიშტიანუ რონალდუ, 3. გარეტ ბეილი.
ჯაბა კანკავას ხმები კი შემდეგნაირად გადანაწილდა: 1. ანტუან გრიზმანი, 2. ლიონელ მესი, 3. კრიშტიანუ რონალდუ.
შეგახსენებთ, ფიფას ვერსიით, მსოფლიოს საუკეთესო ფეხბურთელი პორტუგალიელი რონალდუ გახდა. სამეულში კი, ასევე მოხვდნენ ანტუან გრიზმანი და ლიონელ მესი.
