საქართველოს ჭიდაობის ეროვნული ფედერაცია 2017 წლის შიდა სეზონს რაჭულ ხალიჩაზე გახსნის. 9-10 იანვარს, ამბროლაურის საჭიდაო კლუბ "ფალავანში” თავისუფალი სტილით ჭიდაობაში 23-წლამდელთა შორის საქართველოს ჩემპიონატი გაიმართება.
8 იანვარს 57, 65, 74 და 97 კილოგრამ წონით კატეგორიებში აწონვა და წილისყრა შედგება. ამ ოთხ წონაში ჩემპიონ-პრიზიორები ორდღიანი შეჯიბრების პირველ დღეს გამოვლინდებიან. მეორე დღეს კი საპრიზო სამეულები დარჩენილ ოთხ წონით კატეგორიაში: 61, 70, 86 და 125 კილოგრამებში შეივსება.
