“სევილიას” აწ უკვე ყოფილი მცველი ტიმოტი კოლოძიეჩაკი კარიერას “გლადბახში” განაგრძობს. აღნიშნული ინფორმაცია ორივე კლუბის ოფიციალურმა ვებგვერდმა დაადასტურა.

გერმანულმა კლუბმა 25 წლის ფეხბურთელში 7.5 მილიონი ევრო გადაიხადა და 4.5-წლიანი კონტრაქტი გაუფორმა.

კოლოძიეჩაკი “სევილიაში” 2014 წლიდან თამაშობდა, თუმცა ხორხე სამპაოლის მოსვლის შემდგომ ძირითად შემადგენლობაში ადგილი დაკარგა. მან მიმდინარე სეზონში “დალაქების” მაისური ყველა ტურნირზე 9-ჯერ მოირგო.