ესპანურმა არაერთმა, არამედ რამდენიმე ბულვარულმა გამოცემამ მადრიდის "რეალის" პორტუგალიელი სუპერმეგოლე, კრიშტიანუ რონალდუ 2017 წლის ყველაზე სასურველ სასიძოდ დაასახელა და ესპანელი და არამხოლოდ ესპანელი ლამაზმანებისათვის რონალდუზე „ნადირობის სეზონიც“ გამოაცხადა.
ვის ვის და, ქალბატონებს ნამდვილად არ სჭირდებოდათ საამისო წაქეზება, რადგან პორტუგალიელ ფეხბურთელს ისედაც მასზე უგონოდ შეყვარებულ ქალთა დიდი კოჰორტა დასდევს და აწუხებს და ახლა, როდესაც გზა ხსნილია, ადვილი წარმოსადგენია, როგორ დაიმალება ბუჩქებში დიადი მეგოლე ქალთა ჯგროს დანახვისას.
ჩვენი გადასახედიდან რა თქმა უნდა ერთობ საამო მოსასმენი და დასანახია, როდესაც ტალიკ-ტალიკი ასულები შენზე აფრენენ და ტრფობით იხრუკებიან, მაგრამ საკმარისია თავი რონალდუს ადგილას წარმოვიდგინიოთ, რომ მივხვდებით ამ ცნობადობისა და ტრფიალების უკან რაოდენი წვალება და ვაგლახიც იმალება...