წლების წინ, როდესაც დონ სილვიო ბერლუსკონი იტალიის პრემიერმინისტრი და აპენინებზე ერთ-ერთი ყველაზე გავლენიანი კაცი იყო, მრავალი ქალი ოცნებობდა მასთან თანაყოფაზე და ბერლუსკონის სარეცელის გათბობაზე. მაგრამ შეიცვალა დრო, შეიცვალა შეხედულებები და შეიცვალნენ ადამიანები.
ბოლო პერიოდში სილვიო ბერლუსკონს ძალიან მოუმრავლდნენ მოკრიტიკე და სასამართლოში მორბენალი ქალები. ეს ქალები ძირითადად იმას ამბობენ, რომ მათთან სექსის მოთხოვნით ბერლუსკონი არ ზოგავდა არც ძალასა და არც რესურსებს და ახლა იძახიან, რომ ბერლუსკონისთანა მონსტრთან სექსი მათი არჩევანი არ ყოფილა.
ერთ-ერთი ასეთი ქალბატონი, ყოფილი ტოპ-მოდელი, ფედერიკა რიდოლფი გახლავთ, რომელიც ირწმუნება, რომ მასთან სექსუალური კავშირი დონ სილვიომ მოტყუებითა და შანტაჟით დაამყარა და საკომპენსაციოდ გვარიან თანხასაც მოითხოვს. ახლა იტალიის სასამართლო იმას არკვევს, ფედერიკას ბაგეთაგან გაისმა თუ არა მაგიური სიტყვა “დიახ” და გადაწყვეტილებასაც ამის მიხედვით მიიღებს.