კალათბურთი

14:06 | 10.12.2016 | ნანახია [] - ჯერ

დუდა სანაძის 17 ქულა და დასანანი მარცხი "ოლიმპიასთან"

დუდა სანაძის „პრიმორსკამ“ სლოვენიის ჩემპიონატში დასანანი მარცხი განიცადა. დომჟალელები სლოვენიის ყველაზე ტიტულოვან კლუბ „ოლიმპიას“ ლიუბლიანაში შეხვდნენ და გამარჯვებასთან ახლოს იყვნენ, თუმცა 71:75 წააგეს.

შეხვედრის ბოლო წუთი ახალი დაწყებული იყო, სანაძის გუნდი რომ 4 ქულით ლიდერობდა, თუმცა დარჩენილ დროში ოლიმპიელებმა უდიდესი ბრძოლისუნარიანობა გამოავლინეს და 4 ქულა ხომ აღმოფხვრეს, საბოლოოდ ამ სხვაობით გაიმარჯვეს.

სანაძე სასტარტო ხუთეულში იყო და მოედანზე 27:04 წუთი ითამაშა. დუდამ 8-დან 5 ორქულიანი, 5-დან 1 სამქულიანი და 4-ვე საჯარიმო ჩააგდო და 17 ქულას 3 მოხსნა და 1 პასი წაამატა. ქართველმა ლეგიონერმა ბურთი 3-ჯერ დაკარგა, ამდენივე პერსონალური ფოლი მიიღო, მის წინააღმდეგ კი 4-ჯერ დაჯარიმდნენ.

6 მოგებითა და 4 მარცხით “პრიმორსკას” ცხრილში მე-3 ადგილზეა, მომდევნო მატჩს კი 17 დეკემბერს, შინ, “პოდჩეტრტეკთან” გამართავს.

www.gbf.ge

0.120905