ფეხბურთი

20:51 | 24.07.2016 | ნანახია [] - ჯერ

საფეხბურთო კლუბი "ტიფლისი" - მზადებაც და მოლოდინიც

შესაძლოა, გარდამავალ ჩემპიონატში საფეხბურთო კლუბმა "ტიფლისმაც" ითამაშოს. ეს ახალი კლუბია და საქართველოს ფეხბურთის ფედერაციაში განცხადება აქვს შეტანილი მონაწილეობაზე. "ტიფლისის" დამფუძნებლები პასუხს ელიან.
მთავარი გუნდი ხვალ უკვე ვარჯიშს დაიწყებს, ხოლო ასაკობრივი გუნდები - ოდნავ მოგვიანებით. თუმცა ამაზე ქვემოთ.
კლუბი სუფთა ხელებით იწყებს და რა თქმა უნდა, გვერდში დადგომა სჭირდება. ამ ეტაპზე ყველა წინაპირობა აქვს, რომ წარმატებით ითამაშოს ერთ-ერთ ქვედა ლიგაში, რადგან აქცენტს არა რაოდენობაზე, არამედ ხარისხზე გააკეთებს და თავიდანვე ფინანსურ დაინტერესებაზე არ აქცენტირებს.
ანუ, შედეგიც და მომავალზე ზრუნვაც - ასეთია კლუბის მიმართულება.
კლუბის დამფუძნებლების განკარგულებაშია ოფისი. ასევე საფეხბურთო ინვენტარი და შერჩეულიც ჰყავს ფეხბურთელები, თუმცა შერჩევა კიდევ გაგრძელდება. ოფისში ყველა პირობაა შექმნილი თეორიული სამუშაოებისთვისაც.
ბურთები საკმაო რაოდენობით, სათამაშო ფორმის ორი კომპლექტი და ასე შემდეგ. კიდევ, კლუბს აქვს საკუთარი ფოტო და ვიდეო აპარატურა.
კლუბის ერთ-ერთი დამფუძნებელია მალხაზ ქოქიაშვილი (რომელიც საკმაო ხანს თბილისის "ლოკომოტივში" მუშაობდა ასაკობრივ და ჭაბუკთა ლიგის გუნდებში.
გუნდი საშინაო მატჩებს და ვარჯიშებსაც "შრომითი რეზერვების" სტადიონზე (ნაძალადევში).
აღსანიშნავია, რომ "ტიფლისი" ახალგაზრდა ფეხბურთელებზე გააკეთებს აქცენტს, რომელთა ასაკი 16-დან 20 წლამდე იქნება, თუმცა გამონაკლისებიც შეიძლება. კლუბის დამფუძნებლებს სურთ, რომ ახალგაზრდების აღზრდა-განვითარებაზე იმუშაონ.
ამ ეტაპზე საკმაოდ ბევრი ფეხბურთელია შერჩეული. არის სამიასაკობრივი ჯგუფიც - 2004/2005 წელს, 2008/2009 წელს და 2010 წელს დაბადებულები.
კლუბის ფეისბუქ-გვერდია: https://www.facebook.com/Fc-Tiflisi-430062457184164/?fref=ts

0.113063