არგენტინელმა ფეხბურთელმა მარტინ დემიკელისმა "მანჩესტერ სიტი" დატოვა. აღნიშნული ინფორმაცია კლუბის ტვიტერის გვერდმა გაავრცელა. ჯერჯერობით უცნობია 35 წლის მცველი სად გააგრძელებს კარიერას.

დამიკელისმა ინგლისურ გრანდში 3 სეზონი გაატარა და პრემიერლიგის გამარჯვებული ერთხელ გახდა, ორჯერ კი ლიგის თასი აღმართა. "სიტის" მაისურით სამხრეთამერიკელი მოედანზე 104 მატჩში გამოჩნდა და 4 გოლი გაიტანა.