ფეხბურთი

21:32 | 24.06.2016 | ნანახია [] - ჯერ

"სევილიამ" იაპონელი ნახევარმცველი დაიმატა

იაპონიის ეროვნული ნაკრების და აწ უკვე "ჰანოვერის" შემტევი ნახევარმცველი ჰიროში კიოტაკე კარიერას ევროპა ლიგის გამარჯვებულ "სევილიაში" გააგრძელებს. როგორც ანდალუსიური კლუბის ოფიციალური ვებგვერდი იუწყება, ფეხბურთელმა ახალ გუნდთან ოთხწლიანი კონტრაქტი გააფორმა.

აზიელი "ჰანოვერში" 2014 წლის ზაფხულში გადავიდა და მას შემდეგ ჩატარებულ 55 მატჩში 10 გოლი გაიტანა. ესპანელებმა იაპონელის სანაცვლოდ 6.5 მილიონი ევრო გადაიხადეს. ჰიროშის ეროვნულ გუნდში 37 მატჩი აქვს ჩატარებული და გულშემატკივრები სამჯერ გაახარა.

0.110133