ესპანეთში მაქს ფერსტაპენის შემდეგ, მონაკოში მისგან ესტაფეტა დანიელ რიკიარდომ ჩაიბარა, რომელმაც ორი თავისუფალი პრაქტიკის ჯამში, საუკეთესო დრო დააფიქსირა. ორივე სესიაზე ის ერთადრთი იყო, ვინც წრე წუთსა და 15 წამზე ნაკლებში გაიარა. და მან 0.606 წამით აჯობა მეორე შედეგის მქონე ლუის ჰამილტონს, რომელიც პირველ სესიაზე იყო უსწრაფესი.
აღსანიშნავია, რომ მონაკოს დიდი პრიზი ზედიზედ სამჯერ აქვს მოგებული ნიკო როსბერგს. ჰამილტონმა, რომელიც თანაგუნდელს 43 ქულით ჩამორჩება, პირველი სესიაზე „პირელის“ უახლესი, სუპერ სოფტ რეზინით დააფიქსირა საუკეთესო დრო. მას ამ სეზონში ჯერ რბოლა არ მოუგია და ამის გამოსწორებას მონაკოში ეცდება. მაგრამ „მერსედესის“ დომინაციას საფრთხეს უქმნის „რედ ბული“, რომელიც ისედაც მონკოში გეგმავდა ამ სეზნში პირველ გამარჯვებას.
მაგრამ ავსტრიული გუნდისთვის გაცილებით უკეთესად განვითარდა მოვლენები. პირველი გამარჯვება უკვე მოპოვებულია. ხარებმა დაგვანახეს, რომ ჩვეული ბრძოლისუნარიანობა უბრუნდებათ. ამას დაემატა ისიც, რომ რიკიარდოს ბოლიდზე პირველად დააყენეს „რენოს“ უახლესი ძრავი, რომელმაც ბარსელონას ტესტებზე „რედ ბულიც“ და „რენოც“ კმაყოფილი დატოვა. სამწუხაროდ, ახალი სპეციფიკაციის ძრავს ფერსტაპენი მხოლოდ შემდეგ ეტაპზე, კანადაში მიიღებს. თუმცა ძველითაც მონაკოს პრაქტიკებზე ერთ-ერთი საუკეთესო იყო - მე-5 და მე-4 დროები აჩვენა.
სებასტიან ფეტელს ორივე პრაქტიკაზე ინციდენტები შეემთხვა. ჯერ მირაბოს მოსახვევში დატრიალდა, მაგრამ ზღუდეს არ დაჯახებია. მეორე სესიაზე კი კონტაქტს ვერ გადაურჩა. პირველ სესიაზე რბოლა სამჯერ შეწყდა და ტრასაზე ვირტუალური უსაფრთოების მანქანა გამოვიდა. მერე იყო კურიოზული შემთხვევა, როცა როსბერგის და ჯენსონ ბატონის მანქანები, სენ დევოს მხლობლად, გზის დრენაჟის ხუფმა დააზიანა.
მონაკოს დიდი პრიზი
მეორე პრაქტიკა
- ლუის ჰამილტონი (ბრიტანეთი, მერსედესი) 1:15.537
- ნიკო როსბერგი (გერმანია, მერსედესი) 1:15.638
- სებასტიან ფეტელი (გერმანია, ფერარი) 1:15.956
- დანიელ რიკიარდო (ავსტრალია, რედ ბული) 1:16.308
- მაქს ფერსტაპენი (ჰოლანდია, რედ ბული) 1:16.371
- დანილ კვიატი (რუსეთი, ტორო როსო) 1:16.426
- ნიკო ჰულკენბერგი (გერმანია, ფორს ინდია) 1:16.560
- სერხიო პერესი (მექსიკა, ფორს ინდია) 1:16.697
- კიმი რაიკონენი (ფინეთი, ფერარი) 1:16.912
- კარლოს საინსი (ესპანეთი, ტორო როსო) 1:17.130
- ვალტერი ბოტასი (ფინეთი, უილიამსი) 1:17.562
- რომენ გროჟანი (საფრანგეთი, ჰაასი) 1:17.599
- ფერნანდო ალონსო (ესპანეთი, მაკლარენი) 1:17.838
- ესტებან გუტიერესი (მექსიკა, ჰაასი) 1:17.909
- ჯენსონ ბატონი (ბრიტანეთი, მაკლარენი) 1:17.920
- ფელიპე ნასრი (ბრაზილია, ზაუბერი) 1:18.187
- კევინ მაგნუსენი (დანია, რენო) 1:18.274
- მარკუს ერიკსონი (შვედეთი, ზაუბერი) 1:18.301
- ფელიპე მასა (ბრაზილია, უილიამსი) 1:18.746
- ჯოლიონ პალმერი (ბრიტანეთი, რენო) 1:18.871
- რიო ჰარიანტო (ინდონეზია, მენორი) 1:20.528
- პასკალ ვერლაინი (გერმანია, მენორი) 1:20.868
მეორე პრაქტიკა
- დანიელ რიკიარდო (ავსტრალია, რედ ბული) 1:14.607
- ლუის ჰამილტონი (ბრიტანეთი, მერსედესი) 1:15.213
- ნიკო როსბერგი (გერმანია, მერსედესი) 1:15.506
- მაქს ფერსტაპენი (ჰოლანდია, რედ ბული) 1:15.571
- დანილ კვიატი (რუსეთი, ტორო როსო) 1:15.815
- კარლოს საინსი (ესპანეთი, ტორო როსო) 1:15.981
- კიმი რაიკონენი (ფინეთი, ფერარი) 1:16.040
- სერხიო პერესი (მექსიკა, ფორს ინდია) 1:16.120
- სებასტიან ფეტელი (გერმანია, ფერარი) 1:16.269
- ჯენსონ ბატონი (ბრიტანეთი, მაკლარენი) 1:16.325
- ნიკო ჰულკენბერგი (გერმანია, ფორს ინდია) 1:16.487
- ფერნანდო ალონსო (ესპანეთი, მაკლარენი) 1:16.723
- ესტებან გუტიერესი (მექსიკა, ჰაასი) 1:16.782
- ვალტერი ბოტასი (ფინეთი, უილიამსი) 1:16.849
- რომენ გროჟანი (საფრანგეთი, ჰაასი) 1:16.874
- ფელიპე მასა (ბრაზილია, უილიამსი) 1:17.286
- კევინ მაგნუსენი (დანია, რენო) 1:17.530
- მარკუს ერიკსონი (შვედეთი, ზაუბერი) 1:17.562
- ჯოლიონ პალმერი (ბრიტანეთი, რენო) 1:17.761
- ფელიპე ნასრი (ბრაზილია, ზაუბერი) 1:17.999
- რიო ჰარიანტო (ინდონეზია, მენორი) 1:18.647
- პასკალ ვერლაინი (გერმანია, მენორი) 1:18.814