21-22 მაისს პოლონურმა ბიელსკო ბიალამ ჭაბუკ ძიუდოისტთა შორის ევროპის თასს უმასპინძლა, სადაც საქართველოს ნაკრებმა 7 მედლის მოპოვება მოახერხა.

ფინალში დამარცხდნენ და ვერცხლის მედლები ერგოთ ალეკო მამიაშვილს (-66კგ) და სოსო ებილაშვილს (-81კგ), ხოლო ბრინჯაოს პრიზიორები საბა გრიგალაშვილი (-60კგ), ბაჩანა სარქისაშვილი (-73კგ), გოჩა ღვაჩლიანი (-81კგ), გიორგი ჩიქოვანი (-90კგ) და ნიკა დონღვანი (+90კგ) გახდნენ.