დასრულდა პირველი ლიგის 28-ე ტური და ლიდერმა ცხინვალის “ლიახვმა” კვლავ მოიგო, ამჯერად, ხელვაჩაურის “მაჭახელას” 4:0 სძლია. მალხაზ ჟვანიას გაწვრთნილებს ცოტაღა დარჩათ უმაღლესი ლიგის საგზურის განაღდებამდე და შესაძლოა, ეს მომდევნო ტურშივე მოახერხონ.

მეორე ადგილისთვის კი დიდი ბრძოლაა: “ბორჯომმა” ხობის “კოლხეთთან” გასვლაზე 0:2 წააგო, “ვიტ ჯორჯიამ” მარნეულის “ალგეთთან” 1:1 ითამაშა და ახლა ისე მოხდა, რომ 50 ქულა აქვთ მეორე, მესამე და მეოთხეადგილოსან გუნდებს: ხობელებს, ვიტელებსა და ბორჯომელებს. მეორეზე გასული პირდაპირ გადავა, მესამეს კი ფლეი ოფი მოუწევს.

ტურში ყველაზე დიდი ანგარიშით იმარჯვა “გაგრამ”, რომელიც ქედის ”ბეთლემთან” თავიდან აგებდა, მაგრამ 8 უპასუხო გოლი გაიტანა.

აუტსაიდერთა ზონაში ოზურგეთის “მერცხალმა” ისევ მოიგო, წყალტუბოელებს 3:1 აჯობა და ახლა უკვე ნორმალური შანსი აქვს გადარჩენისა. ბოლო ხუთეულში მყოფი სხვა გუნდებიდან მხოლოდ “ჩხერიმელამ” იმარჯვა, კერძოდ, 1:0 სძლია “სქურს”.

5 გუნდი ვარდება და 11 გუნდს ემუქრება საფრთხე, რა თქმა უნდა, მეტ-ნაკლებად. უშანსოდაც არავინაა. ასე რომ, დარჩენილ 6 ტურში დიდი დაძაბულობა იქნება.

მეშახტე (ტყიბული) – სამეგრელო (ჩხოროწყუ) 3:0

გოლები: 1:0 ნვანკვო (6), 2:0 გოგიჩაძე (63 პენ), 3:0 ცქიფურიშვილი (70)

იმერეთი (ხონი) – რუსთავი 1:1

გოლები: 0:1 მარონგი (6 საკ.კარში), 1:1 ციცხვაია (84)

ლიახვი (ცხინვალი) – მაჭახელა (ხელვაჩაური) 4:0

გოლები: 1:0 შათირიშვილი (11), 2:0 გოგიჩაიშვილი (43), 3:0 შათირიშვილი (44), 4:0 ბუკია (66)

გაგრა – ბეთლემი (ქედა) 8:1

გოლები: 0:1 სამნიძე (3), 1:1 სარიშვილი (13), 2:1 ლევან ქურდაძე (30), 3:1 პაპავა (35), 4:1 გიორგი ქურდაძე (57), 5:1, 6:1, 7:1 მათიაშვილი (65, 77, 79), 8:1 გიორგი ქურდაძე (90)

კოლხეთი (ხობი) – ბორჯომი 2:0

გოლები: 1:0 ჭედია (10), 2:0 ჭანტურიძე (60)

ჩხერიმელა (ხარაგაული) – სქური (წალენჯიხა) 1:0

გოლი: 1:0 გაბუნია (73)

ალგეთი (მარნეული) – ვიტ ჯორჯია (თბილისი) 1:1

გოლები: 0:1 ჩიტიშვილი (26), 1:1 ტიელიძე (47)

მერცხალი (ოზურგეთი) – სამგურალი (წყალტუბო) 3:1

გოლები: 1:0 აბუსელიძე (31), 1:1 თევდორაძე (37), 2:1 ჭეიშვილი (51), 3:1 ჭკუასელი (90)

ჭიათურა – ოდიში 1919 (ზუგდიდი) 1:1

გოლები: 0:1 კუტალია (30), 1:1 ივანიშვილი (51)