,,ა“ ლიგის დღევანდელი ტურის მეორე შეხვედრაში ერთმანეთს სეუ და თსუ დაუპირისპირდნენ. გუნდებს ამ შეხვედრამდე სამ-სამი თამაშის შემდეგ 4-4 ქულა ჰქონდათ და მეოთხე-მეხუთე ადგილებს ინაწილებდნენ. სატურნირო მდგომარეობიდან გამომდინარე თამაში დაძაბული უნდა ყოფილიყო. ასეც მოხდა და სამი მეოთხედის შემდეგ ტაბლოზე თანაბარი შედეგი 49:49 იყო.
მატჩის ბედი მეოთხე დასკვნით მეოთხედში გადაწყდა. დროის ეს მონაკვეთი სეუ-მ უკეთ ჩაატარა და საბოლოოდ 74:65 შეძლო მეტოქის დამარცხება. სტუდენტურ დაპირისპირებაში ყველაზე კარგი შედეგი სეუ-ს ლეგიონერმა ფოუსსეინ კამარამ აჩვენა, რომელმაც 22 ქულითა და 10 მოხსნით ორმაგი დუბლი შეასრულა და შეიძლება ითქვას, რომ თანაგუნდელთა გამარჯვებაში გამორჩეული წვლილი შეიტანა. თსუ-ს მხრიდან ყველაზე მეტი 18 ქულა ვასილ ბერუაშვილმა დააგროვა.
სეუ-თსუ 74:65 (23:13, 16:25, 10:11, 25:16)
სატურნირო მდგომარეობა 11 თებერვლისათვის
| 1 | ვითა | 4 | 4 | 0 | 8 |
| 2 | კაქტუსი | 5 | 3 | 2 | 8 |
| 3 | სეუ | 4 | 2 | 2 | 6 |
| 4 | წყალტუბო | 3 | 2 | 1 | 5 |
| 5 | თსუ | 4 | 1 | 3 | 5 |
| 6 | ვინგსი | 4 | 0 | 4 | 4 |
12 თებერვალი წყალტუბო
,,წყალტუბო“ - ,,ვითა“
