ბუენოს აირესის “ბოკა ხუნიორსის” ლიდერი კარლოს ტევესი ცუდ ფორმაშია. ამას თავად არგენტინელი ფორვარდიც აღიარებს, თუმცა აღნიშნულის მიზეზს ვერ პოულობს. “ბოკა” არგენტინის პრიმერადივიზიონის პირველ ტურში გასვლაზე “ტემპერლეის” (0:0) დაუზავდა, ხოლო მოედანზე მყოფ ფეხბურთელთაგან ყველაზე დაბალი შეფასება “აპაჩემ” მიიღო.

“იმ ფეხბურთელებში, რომლებიც ცუდად თამაშობენ, პირველი ვარ, მაგრამ არ ვიცი რატომ. უნდა გავაგრძელო საკუთარ თავზე მუშაობა, რომ ფეხზე ისევ დავდგე”, - უთხრა ტევესმა clarin.com-ს.

აღსანიშნავია, რომ 32 წლის თავდამსხმელს გოლი გასული წლის სექტემბრის შემდეგ არ გაუტანია. საერთო ჯამში კი, მას მერე რაც მშობლიურ “ბოკა ხუნიორსში” დაბრუნდა, 13 შეხვედრაში თავი 5-ჯერ აქვს გამოჩენილი.