19 წლის ქართველი თავდამსხმელი რომან ჭანტურია ტოსკანელთა ახალგაზრდული გუნდის ლიდერია. "ბარისთან" მატჩში რომანმა ჯერ თანაგუნდელს საგოლედ უპასა, მერე თვითონ გაიტანა, ხოლო ბოლოს ისევ თანაგუნდელს გაატანინა. გარდა ამისა, მთელი თამაში აქტიური იყო და მომენტებიც მრავლად შექმნა. მთლიანად კი, მის ანგარიშზე პრიმავერას ჩემპიონატის C ჯგუფში ჩატარებულ 7 შეხვედრაში 10 გატანილი გოლია.