სარეკლამო ადგილი - 3
227 x 91
მძლეოსნობა

14:53 | 13.10.2015 | ნანახია 6985 - ჯერ

25 ოქტომბერს თბილისი მარათონი გაიმართება

13 ოქტომბერს, საგამოფენო ცენტრ ექსპო ჯორჯიას მე-3 პავილიონში (წერეთლის 118) გაიმართა სოციალური პროექტის „თბილისიმარათონის" პრესკონფერენცია. პრესკონფერენციას დაესწრნენ სპორტისა და ახალგაზრდობის საქმეთა მინისტრი ტარიელ ხეჩიკაშვილი, თბილისის მერი დავით ნარმანია, საქართველოს ტურიზმის ეროვნული ადმინისტრაციის ხელმძღვანელის მოადგილე ანა კეკელია, „ჰაიდელბერგცემენტ კაუკასუსის" გენერალური დირექტორი მიხაელ ჰამპელი, ასევე, ეროვნული ფედერაციის „სპორტი ყველასთვის" პრეზიდენტი მაია აზარაშვილი და პროექტის მენეჯერი გეგა ბურდიაშვილი.

"ჰაიდელბერგცემენტის" მიერ ორგანიზებული სოციალური პროექტი "თბილისიმარათონი" 2015 წლის 25 ოქტომბერს, მეოთხედ ჩატარდება. წლეულს „თბილისიმარათონი" ბევრი სიახლითა და განსხვავებული ფორმატით დაბრუნდება. ნაცვლად თბილისის ზღვისა, ღონისძიების მარშრუტი თბილისის ცენტრალურ უბნებს მოიცავს - სპეციალურად ღონისძიებისთვის გადაიკეტება ქალაქის ცენტრალური ქუჩებიც. სიახლე გახლავთ ისიც, რომ ორგანიზატორები ღონისძიებაში მონაწილეთა ყველა ასაკის მსურველს უმასპინძლებენ, წელს პირველად გაიმართება 500 მეტრიანი გარბენი 6-11 წლამდე ბავშვებისთვის და 1 კილომეტრიანი გარბენი 12-16 წლამდე მოზარდებისთვის. 16 წლიდან კი მსურველებს დარეგისტრირება შეეძლებათ როგორც ნახევარმარათონზე, ასევე 10 კილომენტრიან გარბენზეც.

"თბილისიმარათონი" წლეულს ოფიციალურად გაწევრიანდა მარათონებისა და გრძელ დისტანციებზე გარბენთა საერთაშორისო ასოციაციაში (AIMS) რაც იმას ნიშნავს, რომ „თბილისიმარათონი" პირველი ნახევარმარათონია კავკასიაში, რომელიც AIMS-ის წევრთა სიაში მოხვდა! ნახევარმარათონი და 10 კილომეტრიანი გარბენი საერთაშორისო სტანდარტების დაცვით ჩატარდება, შედეგების დათვლაც მსოფლიოში აპრობირებული, Mika timing-ის „Official Timekeeping and Data Processing" სისტემით მოხდება. ღონისძიება თბილისის მერიის, სპორტისა და ახალგაზრდობის საქმეთა სამინისტროს და გერმანიის საელჩოს პატრონაჟით ჩატარდება.

ღონისძიების მიზანი ერთის მხრივ საზოგადოებაში ჯანსაღი ცხოვრების წესის დამკვიდრება, მეორეს მხრივ კი სოციალური პასუხისმგებლობის გაზიარება და ქველმოქმედება გახლავთ. „თბილისიმარათონის" რეგისტრაციიდან შემოსულ თანხას კომპანია "ჰაიდელბერგცემენტი" ტრადიციისამებრ გააორმაგებს და წელს ქალაქ რუსთავში შეზღუდული შესაძლებლობების მქონე ბავშვთა დღის ცენტრის გაფართოებასა და კეთილმოწყობას მოახმარს. 2014 წელს „თბილისიმარათონის" რეგისტრაციიდან შემოსული თანხა კომპანია "ჰაიდელბერგცემენტმა" გაორმაგებული ოდენობით (31 260 ლარი) ბედიანის ბავშვთა ცენტრის მშენებლობას მოახმარა. 2015 წლის „თბილისიმარათონის" ონლაინ რეგისტრაცია მიმდინარეობს ვებ-გვერდზე: www.tbilisimarathon.ge და გრძელდება 24 ოქტომბრამდე.

სპორტისა და ახალგაზრდობის საქმეთა სამინისტროს პრესსამსახური

სარეკლამო ადგილი - 25
710 x 104
Loading...

კომენტარები (7)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
18:53 | 13.01.2017
bavaria-munchen5 (623)

==)

18:53 | 13.01.2017
bavaria-munchen5 (623)

==0

18:52 | 13.01.2017
bavaria-munchen5 (623)

=0

18:52 | 13.01.2017
bavaria-munchen5 (623)

= )

18:51 | 13.01.2017
bavaria-munchen5 (623)

_)

18:51 | 13.01.2017
bavaria-munchen5 (623)

+)

18:51 | 13.01.2017
bavaria-munchen5 (623)

=)

სარეკლამო ადგილი - 6
250 x 250
სარეკლამო ადგილი - 7
250 x 250
სარეკლამო ადგილი - 31
250 x 250
სარეკლამო ადგილი - 22
250 x 250
სარეკლამო ადგილი - 23
250 x 531
სარეკლამო ადგილი - 14
120 x 600
სარეკლამო ადგილი - 16
120 x 600
0.154363