31 მაისს, კვირას, მთელი დღის განმავლობაში ევროპის ახალგაზრდული ოლიმპიური ფესტივალის მოხალისეები სხვადასხვა სპორტულ აქტივობებში მიიღებენ მონაწილეობას.
ღონისძიება დაიწყება 11:00 საათზე, „ახალი თბილისის“ ტერიტორიიდან (გადასახვევი აშშ-ს საელჩოსთან), სადაც 250 მოხალისე მონაწილეობას მიიღებს მოხალისეთა სახელობის სკვერის გამწვანების აქციაში.
შემდეგ ისინი გადაინაცვლებენ კუს ტბაზე, სადაც სპორტულ და გასართობ ღონისძიებებთან ერთად გაიმართება მუსიკალური კონცერტი და ფერების ფესტივალი.
დღის პროგრამა:
11:00 – „ახალი თბილისი“, გამწვანება
შემდეგ კუს ტბა:
12:00 – 15:00 | მონაწილეების რეგისტრაცია
13:00 – 17:00 | ქვიშის ფრენბურთისა და
14:30 – 18:00 | მინი ფეხბურთის ტურნირები
14:00 – 15:30 | მარათონი
15:30 – 16:30 | შეხვედრა წარმატებულ სპორტსმენებთან
18:00 – 23:00 | კონცერტი
19:00 - 20:00 | ფერების ფესტივალი
კუს ტბის ტერიტორიაზე გამართულ ღონისძიებაში მონაწილეობას მიიღებს „თბილისი 2015“-ის 2 000-მდე მოხალისე.
საღამო დასრულდება კონცერტით და ფოიერვერკებით.
ევროპის ახალგაზრდული ოლიმპიური ფესტივალი მიმდინარე წლის 26.07-2.08 უმასპინძლებს 4 000-მდე ახალგაზრდა სპორტსმენს ევროპის 50 ქვეყნიდან.
თბილისი 2015-ს პრეს-სამსახური