დასასრულს მიუახლოვდა ვაჟ მოჭადრაკეთა მსოფლიოს გუნდური ჩემპიონატი, რომელიც ქალთა ანალოგიური პირველობის პარალელურად მიმდინარეობს.

მე-7 ტურში ერთმანეთს სატურნირო ცხრილის სათავეში მყოფი უკრაინა და ჩინეთი დაუპირისპირდნენ. უაღრესად დაძაბული შეხვედრა ფრედ 2:2 დასრულდა. ამ შედეგის შემდეგ, აღნიშნულმა გუნდებმა თავიანთ მარაგს თითო-თითო ქულა შემატეს და ლიდერობა კიდევ უფრო განიმტკიცეს, რადგან მესამე-მეოთხე ადგილებზე მყოფი ისრაელი და კუბა ისევ დამარცხდნენ. მათგან კუბამ ზედიზედ მეორედ წააგო.

რაც შეეხება ჩემპიონატის რეიტინგ-ფავორიტ რუსეთის ნაკრებს, ზედიზედ 2 მოგების შემდეგ მე-7 ტურში სომხეთთან 1.5:2.5 დამარცხდა, ისევ აუტსაიდერთა შორის აღმოჩნდა და ჩემპიონობაზე რომ აღარაფერი ვთქვათ, მეორე ადგილზე გასვლის თეორიული შანსიც დაკარგა.

მე-7 ტურის ტექნიკური შედეგები

ჩინეთი – უკრაინა 2:2

კუბა – ინდოეთი 1.5:2.5

აშშ – ისრაელი 2.5:1.5

უნგრეთი – ეგვიპტე 2.5:1.5

რუსეთი – სომხეთი 1.5:2.5

მე-8 ტურის შეხვედრათა განრიგი

უკრაინა – აშშ

ინდოეთი – სომხეთი

ეგვიპტე – რუსეთი

ისრაელი – უნგრეთი

კუბა – ჩინეთი

სატურნირო მდგომარეობა 7 ტურის შემდეგ

I - II უკრაინა, ჩინეთი 11-11 ქულა

III –VII კუბა, ისრაელი, ინდოეთი, სომხეთი, უნგრეთი 7-7

VIII – IX აშშ, რუსეთი 6-6

X ეგვიპტე 1